Se Por Acaso N Skece

K quase 24 anos, bo eh um amdjer. Madura na se capacidade mais sincera. Kel d meio na cinco, e a mais velha na dois. Bo ta ama musica e dansa, galerias e teatro. Bo ta respira literatura e escreve. Bo ta sonha na viaja pa algures longe, pa parques ta espia tud pedra iluminod pa raios de Sol, pa bo senta e escreve. Um dia  bo ha de ser um diplomata, ou um pianista. Sonhos vivos. Bo ha de ser um autora, ou um co-founder de um NGO, se bo ca for impresionado por ter tentado na muda mundo.

Bo gradua de Binghamton University, na norte de New York, ma bo nasce na Cabo Verde. Bo sai de bo terra em busca de independencia, sem sabe mundo k bo tava ta bem encontra. Bo tive na tres jardins infantis, na dois primarias, tive na tres liceu diferente e ainda bo estuda na dois universidades diferente. Desesperadamente, bo ta estod sempre ta cre faze bo mae orgulhosa. Bo gradua k um BA na Ciencias Politicas e minor na Arabe. Kem tava dze bo tava ba prende, Arabe. Tambe ja bo sabe cinco alem de kela...Bos dois professores favorito eh Prof. A. Devenish, k ta fala de Direitos Humanos e de Direitos das Mulheres na paises Muculmanos e Dr. A. Mazrui, um pan-Africano k ensinob mas de bo continente k bo ta pertence, e de mundo k bo ta vive.

Bo foi presidente de 'Student PeaceBuilding Club', onde bo participa na semana de inter-fe na ONU.  Presidente de 'Muslim Student Association', enquanto bo eh praticante Catolica.  Vice Presidente d Clube Frances, um lingua, k um vez bo tava otcha kel mais lindo do mundo, mas k agora Arabe tita cre tma se lugar.  Bo participa na NY Pegeant cond bo tava na 11o ano d liceu. Bo conxe Governador de estado de NY. Recentemente, bo consegui um traboi na ONU, um da kes lugares k mas bo sonha trabaia. Bo viaja pa Florida, um estado k nunca bo tive, so pa um fim de semana. Bo ta ama musicas d Anita Baker e cor vermelho, k um vez bo motivo, era mas pk bo eh Benfica. Bo ta fala pa bos direitos e ta luta pa direitos de outros a volta do mundo. Bo tem um grande senso de humor. Bo eh extremamente positiva.

Bo eh um amdjer de fe, Catolica. Bo tita procura kel pessoa k Deus cre pa bo ser. Mesmo assim, bo ta intende d kel talento escondidissimo k Deus dob, ke escreve...escreve sobre tudo e mas uns x cosa. Sobre amores perdidos, positivismo, realidade, direito d mi ma bo, d bo ma el. De nos tud. Bo ta recusa na acredita k tem pessoas ca ta acredita na ses potenciais. Bo coracao ta imploras tcheu vez pa es ser kel mdjor kes eh, tud dia d ses vida. ma cond es ca ta cre escuta mensagem k bo tem pa es, bo ta foga na lagrimas ate cond bo visao ta fca prejudicod k coisinhas pikni.

Bo vida. Kes sete anos de piano. Bo mae e pai. Bo amor a literatura. A musica. Bo amor a escrita. Foi mdjor cosa k contce pa bo- um cosa k so bo eh k ta intende. Poesia escolheb, bo ca escolhel. El eh um da kes unicas coisas k ta dob interesse ronovod, pa vida, tud dia. Ser um poeta ca eh um casaco k bo pode tra cond bo kizer. Alias bo ta escondel. Dret. Ma bo devia mostral mas pa mundo- el eh kem k bo eh tud hora. Deus eh k dob el. El eh bo liberdade. Bo positividade eh bo unica manera de da ots mais prazer d vive. Popular bo ca eh. Conta mas famosa. Bo eh suficiente, pa Deus usob, efectivamente. Bo sabe o quanto bos palavras tem poder. Agora so bo tem k prende dzes k mas forsa. K mas definicao.

Bo eh Kriola de certeza. De corpo e alma, bo eh Cabo Verdeana. Bo eh nascid na Sao Vicente, filha de mae nascid na Sintanton. Bo pai eh filho de gent d Janela. Local das bruxas na Sintanton, Ma tont k ta dob.
Bo prende anda e fala na Somada, bo ranja amizades de um vida inter na Tchada Santo Antonio. Bo nome. Bo nome eh um cosa unico. Bo mae eh k invental. Bo nome ca tem nem um significado. Ma bo pessoa eh k ta dal tud kel valor. Tud dia es ta dzeb manera k bo nome eh lindo. Ma tambe tud dia tem kem ca ta sabe pronuncial. Si-vi-enne. Bo ta odia injustica, intolerancia, ignorancia. Tem kem ta pensa k bo eh ingenua. Ma ta levob tcheu pa confianca na um pessoa. Dia k Obama foi eleito, bo senti tud kel esforco k pretos na terra, k bo adopta como bo segundo moradia, tont espera. Direitos k heroi de bo terra, Amilcar Cabral sempre acredita.

Ainda bo ta pa senti amor na se forma mais puro. Ainda. Kel k tiver bo coracao tita ba ser homen mais feliz, vivo. So pk bo amor eh profundo- muito profundo. Um romantica pa contos de amor de bos alminhas mais proximas. Ma um dia bo ha de casa, ma ele. Bo ta valoriza bo independencia. Bo eh um maverick.  Rebelde. Bo ta defini, bo propio, rebeldia. Bo ta procura conhecimento e sabedoria, e bo ta detesta superficial e coisas futeis e banal.Bo ta recua ma expressao. Bo ta impurra limites e bo ta ousa. Bo ta desafia bos proprios paradigmas e mesmo assim bo ta espera estod vivo depois.

Bo ta escreve, escreve, ate k bo ta recupera sanidade, d cada dia. Bo sabe k tem mut mas pa vida do k kel k bo tita escreve grinhasim. K eh o porque, k nunca  bo ta bem para d escreve.


Parodia. Jazz. Etica. Documentarios k ninguem ca ta conxe. Classicos. Livros. Reunioes amigaveis e familiar. Poesia. Bo ca ta fuma. Bo ta bibe socialmente, isto eh. Bo ta tenta ca julga ninguem, ma gosta d tud e todos, enquanto bo ta faze o mesmo pa bo. Tud dia bo ta vive ma lema k 'hoje eh um dia, manha eh ot'. Bo da bo tud na tud oke k bo faze.

Bo cre sabe se ta existi, almas moda kel d bossa, alem de ceu poluido.